ياقبر قلي عن زمان الإقامة
ارسلها لكي تريح صدر ضائق ♡
قصيده غريبه من نوعها
يقول الشاعر /سالم الصقري
ياقبر قلي عن زمــــان الاقامـــــه
كم عام يقدر ينتقل منـك راعـــــيك
ودي توضح لي شروط السلامـــه
من ضمتك من ظلمتـك من بلاويك
رد القبر /
ياذيب من ينشد يثمـــن كلامـــــه
راجع خطياتك وراجع حسانيـــك
تبقى بجوفي لين يــوم القيـــــامه
محدن يجي عندك ولا يتصل فيك
رد الشاعر /
وان كانت الاعمال خامه وخامـه
منها ذهب صافي ومنها سراميك
ممكن تفيد المعـــــذره والنــــدامه
بعد نزولي بالكفن في ضواحيــك
رد القبر /
فوقك ليا جات النصايب علامـــه
ثنتين توضع عند راسك ورجليك
ماعاد ينفعـك العتــب والملامــــه
من حين روحك ترتفع عند باريك
رد الشاعر/
ياقبر ما دورت منــك الكرامـــه
ارجو عفو ربي ولاني بـراجيك
اللي بديه الامر ماســـك زمامــه
رب الملوك ورب كـل المماليـك
رد القبر/
ياذيب في هذا التحدي غشامــه
بلا عمل ماهو مناسب تحديـــك
اوصيك عهد الله صون التـزامه
مني ومن بعدي من النار ينجيك
رد الشاعر/
ياقبر زودت المخـــاوف جسامــه
زدني نصـــايح نافعه قبل ما جيــك
اخاف اجي لك فوق ظهري غرامه
وتســديدها ما يقبــل الـدفع بالشــيك
رد القبر /
اقرأ كتاب الله وافهــــم نظامـــــه
وتلقى الذي يعني لغيرك ويعنيــك
واختار ما يعنيك وامسك خطامـه
ما دمت حي خطام الاعمال بيديك...
اللهم اغفر لنا وارحمنا
تعليقات
إرسال تعليق