صارت معي في أبها، معي اكسبديشن قصير بدون دبل راجع من السودة بناخذ غدا ونرجع للسودة لكن مع التعب وطول النهار هناك تشاورنا ناخذ الغداء ونتغدى جنب الطريق وننزل إلى مقر السكن في أبها فعلا أخذنا الغداء ونزلنا وطلعنا يمين من الطريق الرئيسي ودخلنا طريق ترابي غير نافذ على شكل مداخل ومدرجات وشجر يمين ويسار كانه نفق وكل مدخل بطول 20 متر تقريبا وخلاص يوقف بالجبل واسفل منه مدخل ثاني كانه نفق نفس الطريقة وفيه ناس كاشتين بالمدخل الي فوق وناس كاشتين بالمدخل الي تحت ماعدا هذا الي دخلت فيه كان فاضي بسبب نقع ماء بسيط لكن طين يمكن مساحة الطين 5x5 متر باقي الأرض رطبه غير طينية وفيه على مدخله سيارة على اليسار تبع الي كاشتين تحت. لما وصلت نهاية الطريق طلع مسكر بوجهي جبل ويميني حجر مرصوف مرتفع أعلى من صدام السيارة ويساري حجر مرصوف نازل نفس الي يميني. جيت ارجع للخلف بسبب الطين يزحف الموتر جهت السيارة الواقفه تبيه بسرعة تبيه بشويش مافيه مجال يزحف على جنب واصحاب السيارة يشاهدون المنظر. دقيت بوري عليهم إن يطلعوا سيارتكم! جاني واحد الله يجزاه خير قالت السيارة عطلانه لكن حاول تديور! وانا معك. قلت ما يمدي يا ...